Ата-ана болу – тек баланы жақсы көрумен шектелмейді, ол сонымен қатар үздіксіз дамуды, қолдауды, білім арқылы өзін-өзі жетілдіруді қажет ететін жауапкершілігі мол жол. «Саналы ата-ана академиясы» ЖМ отбасы институтын нығайтуға және ата-аналардың тәрбиелік құзыреттілігін дамытуға бағытталған ағартушылық жобаларды жүзеге асырады. Академия отбасы тәрбиесі мен отбасылық әл-ауқат мәселелері бойынша керек кеңес пен кәсіби қолдау ұсынатын білікті психологтардан тұрады.
Қамқоршы бейсенбі
Барлық жазбалар →Ата-аналық міндеттердің бар ауыртпалығын жалғыз көтеруден шаршадыңыз ба? «Қамқор бейсенбі» – ата-аналарға қолдау көрсететін, көкейдегі маңызды сұрақтарға жауап беретін және мамандардың тәжірибелік кеңестерін ұсынатын кездесулер алаңы. Бүгінгі күнге дейін өткізілген 70-тен астам кездесу Қазақстанның түкпір-түкпіріндегі отбасыларға балаларымен қарым-қатынасты жақсартуға, күйзеліс деңгейін төмендетуге және үйдегі жылы әрі сенімді атмосфераны қалыптастыруға көмектесті.
Отбасына психологиялық қолдау орталығы
Барлық жазбалар →Ажырасу – отбасының әр мүшесі үшін, әсіресе балалар үшін қиын кезең. Отбасын психологиялық қолдау орталығы ата-аналарға осы кезеңнен барынша сабырлы әрі сынбай өтуге көмектеседі. Біз ажырасу процесіндегі отбасыларды татуластыруға және келісімге келуге бағыттайтын психологиялық кеңестер ұсынамыз. Мамандар ата-аналар арасындағы өзара түсіністікті нығайтуға, жанжалды төмендетуге және отбасының барлық мүшесінің мүддесін ескеретін оңтайлы шешімдерді табуға қолдау көрсетеді. Сонымен қатар, Орталық мамандары отбасының жағдайын және ата-ана мен бала арасындағы қарым-қатынастың ерекшеліктерін жан-жақты зерделеу мақсатында әлеуметтік-психологиялық зерттеулер жүргізеді. Бұл зерттеулер отбасындағы ахуалды объективті бағалауға және қажетті қолдау тәсілдерін анықтауға мүмкіндік береді. Біз әр отбасына ерекше ықыласпен және құрметпен қараймыз. Себебі, кез келген жанжалдың артында күрделі өмірлік жағдайы мен уайымы бар адам тағдыры тұрғанын жақсы түсінеміз. Орталық жұмысының басты ұстанымы – баланың психологиялық саулығын сақтау, оның қауіпсіздігін қамтамасыз ету және дамуына қолайлы жағдай жасау.
Академиялық сәрсенбі
Барлық жазбалар →«Академиялық орта» – психологтар мен сарапшылардың қатысуымен апта сайын Instagram желісінде өтетін тікелей эфирлер алаңы. Мұнда әрбір ата-ананы толғандыратын маңызды тақырыптар қарапайым әрі түсінікті тілде талқыланады. Балалардың эмоциялық дамуы, жас ерекшелігіне байланысты дағдарыстар, отбасы ішіндегі қарым-қатынас, ұрыс-керіссіз тәрбие беру қағидалары және басқа да өзекті мәселелер бойынша пайдалы ақпарат ұсынылады. Әр эфирде тәжірибелік кеңестер беріліп, қатысушылардың сұрақтарына кәсіби әрі тұщымды жауаптар ұсынылады. Бүгінгі күнге дейін өткізілген 60-тан астам тікелей эфирден жүздеген ата-ана қажетті қолдау алып, жаңа білім игеруге және өз ата-аналық жолына деген сенімділікті арттыруға көмектесті.
Академия ұжымы
Толығырақ →
Тоқжұманова Камила Сағадатқызы
«Саналы ата-ана академиясы» ЖМ ректоры м.а.
Сәтбаева Света Сәтбайқызы
Психолог
Лященко Анна Юрьевна
Психолог
Дүйсембекова Тоғжан Русланқызы
Психолог