Жетістіктер

2021 жыл – елді біріктірген бастама
Қоғамдық бірлестік 2021 жылғы 28 шілдеде құрылып, бүгінде еліміздің 16 өңірінде филиалдары жұмыс істейді.
Төрт жыл ішінде 350 000 мыңнан астам ата-ананы қамтыған 17 435 іс-шара өткізілді. Оның ішінде:
● 57 ірі форум (әр форумға 300–800 адам қатысты);

● 5 симпозиум;

● 3 767 оқыту семинары;

● 300 отбасылық байқау.

Ай сайын өңірлік филиалдар 100-ден 200-ге дейін іс-шара ұйымдастырады.
Бүгінде Бірлестік қатарына еліміздің түкпір-түкпірінен 160 мыңға жуық ата-ана мүше болды.

Өзара ынтымақтастық туралы меморандумдар:
● 198 мектепке дейінгі ұйыммен;

● 1 138 мектеппен;

● 106 колледжбен;

● 27 жоғары оқу орнымен жасалды.

Бұл білім беру мен тәрбие беру үдерісінде ортақ құндылықтарға негізделген біртұтас ортаны қалыптастыруға мүмкіндік береді.

Бірлестік Еуропалық ата-аналар қауымдастығының серіктесі ретінде екі мәрте халықаралық форумдарға қатысты.
● 2022 жылғы 17–20 қарашада 150-ден астам елдің ата-аналар ұйымдарын біріктіретін European Parents’ Association (EuroParents) форумына қатысты;

● 2023 жылғы 6–11 наурыз аралығында Швейцарияда өткен, Еуропа елдері мен АҚШ-тан келген 300-ден астам өкіл қатысқан Бірінші педагогтер форумына қатысты.

Бұл – ұйым жұмысына деген жоғары сенім мен халықаралық деңгейдегі мойындаудың айқын көрінісі.

Бірлестік қатарынан үш жыл бойы республикалық ата-аналар форумын өткізіп келеді.
Форум – ата-аналар қауымдастығы мен мемлекеттік органдар арасындағы тиімді диалог алаңы. Мұнда бала тәрбиесі, білім беру және өскелең ұрпақтың дамуына қатысты өзекті мәселелер талқыланады.

Ұйым ұлттық сана-сезімді, рухани құндылықтарды және білім беруді дамытуға ерекше көңіл бөледі.
Алаш зиялыларының мына еңбектері қайта басылып шықты:
● Міржақып Дулатұлының «Оян, қазақ!»;

● Ахмет Байтұрсынұлының «Ел бүгіншіл, менікі ертеңгі үшін»;

● Мағжан Жұмабаевтың «Педагогика»;

● Жүсіпбек Аймауытовтың «Психология» және «Тәрбиеге жетекші» еңбектері.

Сонымен қатар қазақ тіліне:
● «Әлемдік үздік зерттеулер» (психология саласындағы еңбек);

● Шалва Амонашвилидің «Гуманды педагогикасы» аударылды.

Барлығы 10 мың дана кітап ата-аналар мен педагогтарға тегін таратылды.

Мәшһүр Жүсіп Көпейұлының 165 жылдығына орай оның шығармаларының бес томдық академиялық жинағы әзірленіп, қайта басылып шығарылды.
Кітаптар еліміз бойынша:
● 100 мектепке;

● 100 кітапханаға;

● 100 мешітке;

● 100 жоғары оқу орнына тегін таратылды.

Бірлестіктің Құрылтайшысы Нұркен Жарылқапұлы Асановтың қолдауымен «Абай ғибратнамасы» кітабы жарық көрді.
Кітаптың авторы – Қазақстанның еңбек сіңірген қайраткері, белгілі ғалым, профессор, әдебиеттанушы Серік Негимов.
Ғалымның бұл еңбегі ұлттық әдебиет пен ғылымның дамуына қосылған маңызды үлес болып табылады.