Форумға келген қонақтар қазақтың күйімен қарсы алынып, ұлттық тағамдардан дәм татты. Сонымен қатар қатысушылар қол күресі мен тоғызқұмалақ ойынына қатысып, ұлттық құндылықтарды насихаттайтын іс-шараларға белсенді атсалысты.
Жиын барысында оқушылар әке мен бала арасындағы қарым-қатынастың маңызын көрсететін тәрбиелік көрініс қойды. Мектеп психологы арнайы тренинг өткізіп, әкенің бала тәрбиесіндегі рөліне тоқталды. Шақырылған спикерлер әке беделін арттыру, ұлттық тәрбие мен отбасы құндылықтарын сақтау жөнінде мазмұнды ойларымен бөлісті.
